जनप्रतिसाद न्यूज नेटवर्क
(अनिल जोशी)
सांगली जिल्ह्यात दि. 17 ऑगस्ट 2023 ते दि. 14 सप्टेंबर 2023 या कालावधीत महसूल विभागातील गट-क संवर्गातील तलाठी भरती परीक्षा सन-2023 जिल्ह्यातील पाच केंद्रावर सकाळी 6 ते सायंकाळी 7.30 या वेळेत घेण्यात येणार आहे. परीक्षा केंद्राच्या ठिकाणी शांतता व सुव्यवस्था राखण्याच्या दृष्टीने जिल्हादंडाधिकारी डॉ. राजा दयानिधी यांनी परीक्षा केंद्राच्या ठिकाणी इमारतीपासून 100 मीटर सभोवतालच्या परिसरात परीक्षेच्या दिवशी परीक्षेच्या वेळेत फौजदारी प्रक्रिया संहिता 1973 चे कलम 144 लागू केले असून पुढील कृत्यांना मनाई केली आहे.
परीक्षा वेळेत परीक्षेसंबंधी अधिकारी / कर्मचारी व परीक्षेस येणारे विद्यार्थी तसेच त्यांचे लेखनिक वगळता इतर कोणत्याही चार किंवा त्यापेक्षा जास्त व्यक्तींना परीक्षा केंद्राच्या ठिकाणी फिरण्यास मनाई केली आहे. एकत्रित गटागटाने फिरणे व उभा राहण्यास मनाई केली आहे. परीक्षा वेळेत परीक्षा केंद्राच्या परिसरातील झेरॉक्स मशिन,पब्लिक टेलिफोन बुथ,फॅक्स मशीन, ध्वनीक्षेपक यांचा परीक्षा संदर्भात कोणत्याही गैरप्रकारासाठी वापरण्यास मनाई केली आहे. परीक्षा केंद्रात विद्यार्थी तसेच त्यांचे लेखनिक यांना मोबाईल,पेजर नेण्यास मनाई केली आहे. हा आदेश कायदेशीर कर्तव्य बजावित असलेल्या शासकीय कर्मचाऱ्यांना व धार्मिक विधी यांना लागू राहणार नाही.
परीक्षा केंद्रनिहाय परीक्षेचा दिनांक पुढीलप्रमाणे. पद्मभूषण वसंतरावदादा पाटील इन्स्टिट्यूट ऑफ टेक्नोलॉजी सांगली-तासगाव रोड, बुधगाव सांगली – 19 ते 20 ऑगस्ट 2023, 26 ते 27 ऑगस्ट 2023 व दि. 10 सप्टेंबर 2023. वसंतदादा पाटील इन्स्टिट्यूट ऑफ मॅनेजमेंट स्टडीज ॲन्ड रिसर्च, भारती विद्यापीठ जवळ सांगली-मिरज रोड वान्लेसवाडी सांगली – 17 ते 22 ऑगस्ट 2023, 26 ते 27 ऑगस्ट 2023, 31 ऑगस्ट 2023 ते 1 सप्टेंबर 2023, 4 ते 6 सप्टेंबर 2023, 8 सप्टेंबर 2023, 10 सप्टेंबर 2023, 13 ते 14 सप्टेंबर 2023. आदर्श इंस्टीट्युट ऑफ टेक्नॉलॉजी ॲन्ड रिसर्च सेंटर विटा खंबाळे भा., एमआयडीसी विटा जवळ ता. खानापूर, नानासाहेब महाडिक कॉलेज ऑफ इंजिनियरिंग पेठ गट नं. 894/2665 पुणे बेंगलोर एनएच-4 हायवे, मु.पो. पेठ नाका, ता. वाळवा व टेकवेअर टेक्नॉलॉजी विठ्ठल पाटील पॉलीटेक्निक इनामधामनी सांगली या परीक्षा केंद्रावर दि. 17 ते 22 ऑगस्ट 2023, 26 ते 29 ऑगस्ट 2023, 31 ऑगस्ट 2023, 1 सप्टेंबर 2023, 4 ते 6 सप्टेंबर 2023, 8 सप्टेंबर 2023, 10 सप्टेंबर 2023, 13 सप्टेंबर 2023 व 14 सप्टेंबर 2023 या तारखेस सकाळी 6 ते सायंकाळी 7.30 या वेळेत परीक्षा होणार आहे.
