कोल्हापूर जिल्ह्यात 5 ऑक्टोबर पर्यंत बंदी आदेश लागू.!

0

 

जनप्रतिसाद न्यूज नेटवर्क.

(अजित निंबाळकर.)

मराठा समाजास ओ.बी.सी.प्रवर्गातुन आरक्षण मिळावे ही मागणी मान्य न केल्यास दि.25 सप्टेंबर 2023 पासून छत्रपती शिवाजी महाराज पुतळा व दि. 2 ऑक्टोबर रोजी पासून दसरा चौक या ठिकाणी धरणे,उपोषण आंदोलन करण्याचा इशारा दिला आहे.जिल्ह्यात विविध पक्ष/संघटना यांच्याकडून त्यांच्या विविध मागण्यांकरीता आंदोलन,उपोषण,मोर्चा इ.प्रकारचे आंदोलन करण्यात येत असून गणेशोत्सव,ईद-ए-मिलाद हे सण तसेच यात्रा,उरुस,सण इ.मोठया प्रमाणात साजरे होणार आहेत.जिल्ह्यात कायदा व सुव्यवस्था राखण्याकरिता महाराष्ट्र पोलीस अधिनियम, 1951 चे कलम 37 (1) अ ते फ आणि कलम 37 (3) अन्वये अपर जिल्हादंडाधिकारी संजय तेली यांनी 22 सप्टेंबर 2023 रोजी सकाळी 7 वाजल्यापासून ते 5 ऑक्टोबर 2023 रोजी रात्री 12 वाजेपर्यंत बंदी आदेश लागू केला आहे.

हा हुकूम ज्या सरकारी अधिकारी/कर्मचारी यांना त्यांची कर्तव्य,अधिकार बजाविणे संदर्भात कामकाज करताना उपर्निर्दिष्ट वस्तू हाताळाव्या लागतात आणि एकत्र जमावे लागते व ज्या व्यक्तींनी पोलीस अधीक्षक,कोल्हापूर अगर संबंधित उपविभागीय पोलीस अधिकारी अगर संबंधित विभागाचे पोलीस निरीक्षक किंवा सक्षम प्राधिकारी यांची परवानगी घेतलेली आहे,अशा व्यक्तींना तसेच सर्व जातीधर्माचे सण/उत्सव/जयंती/यात्रा इ.हे शांततामय मार्गाने साजरे करण्याकरीता जमा होणारा जनसमुदाय यांना व लग्न,इतर धार्मिक समारंभ,सण,यात्रा,प्रेतयात्रा इत्यादी यांना लागू असणार नाही.

Post a Comment

0 Comments
Post a Comment (0)

#buttons=(Accept !) #days=(20)

Our website uses cookies to enhance your experience. Learn More
Accept !
To Top